ជម្រាបសួរ និងជម្រាបលា  - BRED Bank Cambodia

ជម្រាបសួរ និងជម្រាបលា 

ការប្រគល់ភារកិច្ចចូលកាន់មុខតំណែងរបស់នាយកប្រតិបត្តិយើងត្រូវបានបញ្ចប់ជាស្ថាពរ 

ភ្ញៀវកិត្តិយសជាង ១០០ នាក់ បានមកចូលរួមក្នុងបរិយាកាសដ៏ប្រណិតនៅសណ្ឋាគារ រ៉ាហ្វល ឡឺរ៉ូយ៉ាល់ កាលពីថ្ងៃព្រហស្បតិ៍ ទី២២ កញ្ញា ២០២២ ដើម្បីជម្រាបលានាយកប្រតិបត្តិដែលនឹងចេញពីតំណែងរបស់ធនាគារ ប្រេដ ប៊ែង (ខេមបូឌា) លោក Guillaume Perdon ក៏ដូចជាការទទួលស្វាគមន៍នាយកប្រតិបត្តិថ្មី លោក Nicolas Hollanders មកកាន់ព្រះរាជាណាចក្រកម្ពុជា។ 

លោក Perdon​ និងក្រុមការងារសម្រេចបានសមិទ្ធផលយ៉ាងក្រៃលែង ចាប់តាំងពីធនាគារបានបើកដំណើរការដំបូងនៅឆ្នាំ ២០១៧។ រហូតដល់បច្ចុប្បន្ន ធនាគារយើងបង្កើតបណ្ដាញសាខាបានរហូតដល់ ១៣សាខា ព្រមទាំងដាក់ចេញឲ្យដំណើរការនូវសេវាធនាគារបុគ្គល និងធនាគារអាជីវកម្មបានយ៉ាងធំទូលាយ ក៏ដូចជាដឹកនាំធនាគារ ប្រេដ ប៊ែង (ខេមបូឌា) ឲ្យក្លាយជាជម្រើសធនាគារប្រសើរជាងគេសម្រាប់អាជីវកម្ម នៅទូទាំងព្រះរាជាណាចក្រកម្ពុជា។ឥឡូវនេះ លោក Perdon​ នឹងឡើងកាន់តំណែងថ្មីក្នុងធនាគារ BRED Group នៅទីក្រុងប៉ារីស ប្រទេសបារាំង។ 

លោក Hollanders ទទួលស្នងតំណែងជាផ្លូវការក្នុងធនាគារ​ តាំងពីថ្ងៃទី១៤ កញ្ញា ២០២២​ ដោយនាំមកនូវបទពិសោធន៍ការងារដ៏សម្បូរបែប បន្ទាប់ពីលោកបានចំណាយពេលជាង ១៨ឆ្នាំ ប្រលូកក្នុងតួនាទីផ្សេងៗក្នុងធនាគារ BRED Group។ លោកចាប់ផ្ដើមតាំងពីងារជាបុគ្គលិកធនាគារ រហូតឡើងមុខតំណែងជាបន្តបន្ទាប់ទូទាំងសាខានានា និងតំណែងគ្រប់គ្រងផ្សេងៗនៅក្នុងធនាគារ។ គាត់ចំណាយពេលប្រាំឆ្នាំជានាយកប្រចាំតំបន់ ទទួលមើលការខុសត្រូវដំណើរការធនាគារនៅប្រជុំកោះ Guadeloupe នៃ​ Bred Group។ ថ្មីៗនេះ គាត់កាន់តួនាទីជាអគ្គនាយករងអន្តរជាតិនៅក្នុងក្រុមហ៊ុន ដោយមានទទួលរៀបចំចាត់ចែងបណ្ដាញរបស់បុត្រសម្ព័ន្ធធនាគារ។ 

នាយករងប្រតិបត្តិ លោក Sopha Min និងនាយកគ្រប់គ្រងបណ្តាញសាខា លោកស្រី Kunthea Meas នឹងជួយទ្រួសត្រាយផ្លូវជូនលោក Hollanders ក្នុងមុខដំណែងថ្មីរបស់គាត់។ គួរឲ្យកត់ចំណាំដែរនោះគឺ លោក Sopha និងលោកស្រី Kunthea ទទួលកាន់តំណែងការងារផ្នែកដឹកនាំជាន់ខ្ពស់ ចាប់តាំងពីការបើកសម្ពោធធនាគារជាលើកដំបូង។ 

ពិធីប្រគល់ភារកិច្ច ចូលកាន់មុខតំណែងដ៏សំខាន់មួយនេះ ទទួលបានជោគជ័យដ៏ធំធេង ដែលលោកអ្នកអាចចូលមើលទំព័ររូបភាពរបស់យើង ស្ដីអំពីកម្មវិធីពេលល្ងាចដ៏ល្អអស្ចារ្យនៅសណ្ឋាគារ រ៉ាហ្វល ឡឺរ៉ូយ៉ាល់។ 

More Press Releases

ធនាគារ ប្រេដ បើកសម្ពោធសាខាទី 15 របស់ខ្លួន 

Date Published: មីនា 20, 2023

Read More

វឌ្ឍនភាពនៃខ្មែររៀល  

Date Published: មីនា 20, 2023

Read More

ធនាគារ ប្រេដ បានចុះហត្ថលេខាអនុស្សរណៈនៃការយោគយល់គ្នាជាមួយបុរី វិមានភ្នំពេញ 

Date Published: មីនា 15, 2023

Read More

សេចក្តីជូនដំណឹងដល់អតិថិជន

ធនាគារ ប្រេដ ប៊ែង ខេមបូឌា សូមចេញសេចក្តីប្រកាសអំពីការក្លែងបន្លំជាបន្ទាន់

ធនាគារ ប្រេដ ប៊ែង ខេមបូឌា នាពេលថ្មីៗនេះបានទទួលដំណឹងអំពីករណីដែលមានជនបោកប្រាស់បានធ្វើការប្រើប្រាស់រូបភាពសាខាបាត់ដំបងរបស់ធនាគារយើងខ្ញុំជាមួយនឹងការកែប្រែស្លាកយីហោ និងឈ្មោះរបស់ធនាគារយើងខ្ញុំ ដើម្បីប៉ុនប៉ងបោកប្រាស់អតិថិជនដែលមិនបានដឹងព័ត៌មាន។

សូមបញ្ជាក់ថាធនាគារ ប្រេដ ប៊ែង ខេមបូឌា មិនមានការពាក់ព័ន្ធជាមួយស្ថាប័នដែលហៅខ្លួនឯងថា ‘ធនាគារ BAB’ ឬ ‘BAB Loan’ ហើយ ‘ធនាគារ BAB’ ឬ ‘BAB Loan’ មិនមែនជាធនាគារដែលមានអាជ្ញាប័ណ្ណនោះទេ។

ធនាគារ ប្រេដ ប៊ែង ខេមបូឌា មានសាខាតែមួយគត់ក្នុងខេត្តបាត់ដំបង ដែលមានទីតាំងនៅផ្ទះលេខ 36 & 37 ផ្លូវលេខ 1 ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ប្រសិនបើអតិថិជនណាមួយបានឃើញភស្តុតាងនៃជនក្លែងបន្លំដែលប៉ុនប៉ងប្រើប្រាស់រូបថត ឬស្លាកយីហោរបស់ ធនាគារ ប្រេដ ប៊ែង ខេមបូឌា សូមលោកអ្នករាយការណ៍ជាបន្ទាន់ទៅកាន់ធនាគារ និងអាជ្ញាធរមានសមត្ថកិច្ច។ ធនាគារ ប្រេដ ប៊ែង ខេមបូឌា ក៏នឹងចាត់វិធានការតាមផ្លូវច្បាប់ចំពោះស្ថាប័ន ឬបុគ្គលណាដែលប្រើប្រាស់រូបភាព និង អត្តសញ្ញាណម៉ាករបស់ធនាគារដោយគ្មានការអនុញ្ញាត។

យើងខ្ញុំសូមលើកទឹកចិត្តឲ្យអតិថិជនទាំងអស់មានការប្រុងប្រយ័ត្នខ្ពស់ និងយល់ដឹងពីការបោកប្រាស់ដែលអាចនឹងកើតឡើង ព្រមទាំងរាយការណ៍ពីប្រភពគួរឲ្យសង្ស័យណាមួយជាបន្ទាន់។ ធនាគារ ប្រេដ ប៊ែង ខេមបូឌា នឹងមិនទទួលខុសត្រូវចំពោះរាល់សកម្មភាដែលធ្វើឡើងដោយ ‘ធនាគារ BAB’ ឬ ‘BAB Loan’ ឬការខាតបង់ណាមួយដែលបង្កឡើងដោយបុគ្គល ឬស្ថាប័នណាមួយ ដែលពាក់ព័ន្ធនឹងសកម្មភាពឧក្រិដ្ឋកម្មទាំងនេះឡើយ។

សូមអរគុណ!