ដៃគូសហការរវាងអង្គការ និងធនាគារ ប្រេដ

អង្គការដើម្បីភាពញញឹមនៃកុមារ (PSE) គឺជាអង្គការបារាំងមួយដែលបានភ្ជាប់ទំនាក់ទំនងនឹងកម្ពុជាតាំងពីឆ្នាំ ១៩៩៦។ បេសកកម្មរបស់ PSE គឺជួយកុមារកម្ពុជាឲ្យចាកផុតពីភាពទុគត៌ក្រីក្រ និងតម្រង់ផ្លូវពួកគាត់តាមរយៈការផ្តល់ចំណេះដឹង និងជំនាញច្បាស់លាស់ដើម្បីទទួលបានប្រាក់កម្រៃពីអាជីពការងារ។ បន្ទាប់ពីភាពជាដៃគូជាមួយក្រុមហ៊ុន Natixis (ដែលជាក្រុមហ៊ុនរងរបស់ BRED Group) ធនាគារ ប្រេដ បានសហការជាមួយសាលាពាណិជ្ជកម្មរបស់អង្គការដើម្បីភាពញញឹមនៃកុមារ (PSE) ដើម្បីផ្តល់កម្មសិក្សារយៈពេល ៣ខែ ដល់និស្សិតចំនួន ៥នាក់។ ដូច្នេះនិស្សិតហាត់ការអាចទទួលបាននូវបទពិសោធវិជ្ជាជីវៈពីធនាគារអន្តរជាតិ និងជាសកលដើម្បីបំពេញការសិក្សារបស់ពួកគេ ក៏ដូចជាជួយអភិវឌ្ឍជំនាញការងាររបស់ពួកគេបន្ទាប់ពីបញ្ចប់ការសិក្សា។