តារាងការប្រាក់ដែលលោកអ្នកនឹងទទួលបាន

ចំណាំ៖ គណនីកសាងអនាគតរបស់អ្នក តម្រូវឲ្យមានការព្រមព្រៀងនូវចំនួនទឹកប្រាក់សន្សំប្រចាំខែក្នុងរយៈពេលកំណត់ ៣ឆ្នាំ ៥ឆ្នាំ ឬ ១០ឆ្នាំ។ លោកអ្នកត្រូវមានសមតុល្យទឹកប្រាក់យ៉ាងតិច ១០ ដុល្លារ ដើម្បីបើកគណនីសន្សំនេះ និងត្រូវដាក់ប្រាក់សន្សំប្រចាំខែចន្លោះពី ១០ ដុល្លារ ទៅ ១០០០ ដុល្លារ។ ប្រាក់បញ្ញើសន្សំប្រចាំខែ ត្រូវធ្វើតាមរយៈការបញ្ជាកាត់ចេញដោយស្វ័យប្រវត្តិពីគណនីដែលមាននៅធនាគារ ប្រេដ ប៊ែង ខេមបូឌា។ លោកអ្នកអាចស្នើបន្ថែមចំនួនទឹកប្រាក់សន្សំថេរប្រចាំខែបានពីរដងក្នុងមួយឆ្នាំប្រសិនបើចាំបាច់ ប៉ុន្តែមិនអាចបន្ថយចំនួនទឹកប្រាក់បានទេ។ យើងខ្ញុំមិនទទួលយកទឹកប្រាក់បន្ថែមក្រៅពីចំនួនទឹកប្រាក់ប្រចាំខែ ដែលបានព្រមព្រៀងនោះទេ។ ចំនួនការប្រាក់នឹងបង្គរកើនឡើងជារៀងរាល់ខែ។ ក្នុងករណីដកប្រាក់សន្សំមុនកាលកំណត់ ឬប្រសិនបើខកខានក្នុងការសន្សំប្រាក់ប្រចាំខែ លោកអ្នកនឹងត្រូវប្រឈមនឹងការផាកពិន័យ។ លោកអ្នកអាចធ្វើការស្នើសុំលក្ខខណ្ឌលម្អិតដើម្បីត្រួតពិនិត្យ។