នៅពេលពួកយើងផ្តល់ការគាំទ្រ ឱកាស ការជឿទុកចិត្តប្រកបដោយអត្ថន័យដល់ស្រ្ដី នោះពួកយើងទាំងអស់គ្នាសុទ្ធតែទទួលបានអត្ថប្រយោជន៍មកវិញផងដែរ។ ក្នុងឆ្នាំនេះ ធនាគារ ប្រេដ ខេមបូឌា អបអរសាទរទិវានារីអន្តរជាតិជាមួយនឹងប្រធានបទការផ្ដល់ជូន និងទទួលបាន #GiveToGain ដោយបង្ហាញថាការគាំទ្រពីធនាគារ ពិតជាមានឥទ្ធិពលវិជ្ជមានដល់គ្រួសារ និងសហគមន៍ទំាងមូល។
សូមមើលវីដេអូស៊េរី
កម្មវិធីហ្វឹកហាត់បុគ្គលិកនារីឲ្យមានការអភិវឌ្ឍន៍ និងមានការចែករំលែក
ដើម្បីជួយឲ្យបុគ្គលិកនារីមានការអភិវឌ្ឍក្នុងអាជីពរបស់ខ្លួន ធនាគារ ប្រេដ ខេមបូឌា បានបង្កើតកម្មវិធី EmpowHer ជាកម្មវិធីហ្វឹកហាត់បុគ្គលិកនារីជំនាន់ថ្មី ដោយក្នុងនោះមានបុគ្គលិកនារីដែលមានទេពកោសល្យជាមួយនឹងប្រធានគ្រប់គ្រងមានបទពិសោធន៍ពីគ្រប់ផ្នែកនៅក្នុងធនាគារ។
នៅក្នុងវីដេអូស៊េរីខ្លី “EmpowHer – ជាកម្មវិធីហ្វឹកហាត់បុគ្គលិកនារីជំនាន់ថ្មី” គ្រូបង្ហាត់ និងកូនសិស្ស បាននិយាយពីការផ្ដល់ដំបូន្មាន ទំនុកចិត្ត ការលើកទឹកចិត្ត កម្លាំងចិត្ត ឱកាសថ្មីៗ ព្រមទាំងការជំរុញឲ្យពួកគេជួយដល់អ្នកដទៃផងដែរ។
នេះជាកម្មវិធីបង្កើតឡើងដើម្បីពង្រឹងជំនាញ និងការជឿជាក់លើខ្លួនឯង ហើយនឹងបង្កើតវប្បធម៌មួយ ដែលបុគ្គលិកនារីអាចជួយគាំទ្រគ្នាទៅវិញទៅមក។
សូមមើលវីដេអូស៊េរី
ទទួលបានជំនួយដែលស័ក្ដិសមទាំងនៅផ្ទះ និងកន្លែងធ្វើការ
ការទទួលបានតុល្យភាពរវាងកាតព្វកិច្ចការងារ និងជីវិតគ្រួសារ មិនមែនជារឿងងាយស្រួលនោះទេ ជាពិសេសសម្រាប់មាតា។
វីដេអូស៊េរីខ្លី “មាតុភាព – ការយកចិត្តទុកដាក់លើបុគ្គលិកដែលក្លាយជាមាតា” ក្នុងកម្មវិធី BRED Women Podcast បានបង្ហាញថា ការគាំទ្រដែលស័ក្ដិសមអាចផ្លាស់ប្ដូរជីវិតរបស់មាតាគ្រប់រូបបាន។
យើងខ្ញុំផ្តល់ជូនកញ្ចប់អត្ថប្រយោជន៍មាតុភាពដ៏ពេញលេញ រួមមានថ្ងៃឈប់សម្រាកអំឡុងពេលសម្រាលបុត្រ ការធានារ៉ាប់រងសុខភាព និងការផ្ដល់ម៉ោងធ្វើការដែលមានភាពបត់បែន ដើម្បីឲ្យបុគ្គលិកនារីអាចមើលថែបុត្រ និងត្រឡប់មកធ្វើការវិញប្រកបដោយទំនុកចិត្ត។ ក្នុងវីដេអូនេះដែរ បុគ្គលិកយើងខ្ញុំនឹងនិយាយពីការផ្ដល់ជំនួយដែលជួយឲ្យពួកគេមានភាពស្ងប់ចិត្តនៅផ្ទះ និងមានកម្លាំងចិត្តក្នុងការបន្តអភិវឌ្ឍអាជីពរបស់ពួកគេ។
នៅពេលពួកយើងផ្ដល់ពេលវេលា សុវត្ថិភាព និងភាពបត់បែនជូនដល់មាតា ពួកយើងនឹងទទួលបានគ្រួសារដ៏ល្អជាងមុន និងក្រុមការងារដ៏ល្អជាងមុន។
សូមមើលវីដេអូស៊េរី
ការផ្ដល់ជំនួយជូនសហគមន៍ — សាមគ្គីភាពជាកម្លាំងដ៏រឹងមាំ
សម្រាប់ធនាគារ ប្រេដ ខេមបូឌា ការយកចិត្តទុកដាក់លើសហគមន៍ មិនមែនជាសកម្មភាពធ្វើតែពេលពិសេសទេ ប៉ុន្តែជាផ្នែកមួយនៃអត្តសញ្ញាណ និងវប្បធម៌របស់យើងខ្ញុំ។
នៅក្នុងវីដេអូស៊េរីខ្លី “សហគមន៍ — សាមគ្គីភាពជាកម្លាំងដ៏រឹងមាំ” បុគ្គលិករបស់ពួកយើងបាននិយាយពីការផ្ដល់ជំនួយឲ្យពួកគេចូលរួមក្នុងគម្រោងជួយដល់សហគមន៍របស់ធនាគារ ប្រេដ រួមទាំងការជួយគ្រួសារជនភៀសសឹកនៅតំបន់ព្រំដែនកម្ពុជា–ថៃ និងសកម្មភាពជំនួយផ្សេងៗទៀត។ ពួកគេនិយាយអំពីអ្វីដែលពួកគេផ្តល់ឲ្យ ព្រមទាំងការទទួលបានវិញនូវកម្លាំងចិត្ត ក្តីសង្ឃឹម និងទស្សនវិស័យថ្មីៗមកវិញ។
ការបន្តប្តេជ្ញាចិត្តរបស់យើងខ្ញុំ
ទិវានារីអន្តរជាតិ គ្រាន់តែជាថ្ងៃមួយលើប្រតិទិនប៉ុណ្ណោះ ប៉ុន្តែការប្តេជ្ញាចិត្តរបស់យើងខ្ញុំចំពោះការគាំទ្រ និងលើកកម្ពស់ស្រ្ដីគឺនៅតែបន្ដជារៀងរាល់ថ្ងៃ។ ធនាគារ ប្រេដ ខេមបូឌា នឹងបន្ត៖
- ផ្តល់ឱកាស និងការអភិវឌ្ឍន៍អាជីពច្បាស់លាស់ប្រកបដោយភាពយុត្តិធម៌សម្រាប់បុគ្គលិកនារីគ្រប់ជាន់ថ្នាក់
- វិនិយោគលើកម្មវិធីហ្វឹកហាត់ ការបណ្តុះបណ្តាល និងការអភិវឌ្ឍភាពជាអ្នកដឹកនាំ
- ផ្តល់ជំនួយ និងការគាំទ្រដ៏សិក្ដ័សមជូនដល់មាតាបិតា
- លើកទឹកចិត្តដល់ការចូលរួមក្នុងសកម្មភាពសហគមន៍ប្រកបដោយអត្ថន័យ
សកម្មភាពទាំងអស់នេះបានបង្ហាញយ៉ាងច្បាស់ថា ការគាំទ្រពិតប្រាកដពិតជាអាចផ្លាស់ប្ដូរជីវិតស្រ្ដីគ្រប់រូបបាន។
នេះជាការផ្ដល់ជូន និងទទួលបាន #GivetoGain នៅធនាគារ ប្រេដ ខេមបូឌា ។
